Determinado akong muling mapanghawakan ang nawawala kong kapangyarihan kaya binaliwala ko ang
naramdaman malakas na kaba at sinubukang gamitin ang elemento ng hangin upang palutangin ang maliliit na bato sa paligid.
Kanina habang kaharap ang ama ni Marcus ay kusang lumabas ang malakas kong kapangyarihan kaya imposibleng hindi ko ito magagawang muli.
Pero kahit anong gawin ko ay tulad ng kinatatakutan ko ay wala pa ring nangyari.
Hindi ko naramdaman kahit katiting na indikasyon ng enerhiyang kaya kong palabasin sa dulo ng aking mga daliri.
Paanong nagawa ko kaninang magbasag ng mga gamit pero ngayon ay kahit ang simpleng pagpapaangat ng maliliit na bato ay hindi ko magawa-gawa?
"H-hindi ko magawa," puno nang takot kong pahayag habang di tumigil sa pagbabakasakaling ma
