"WHAT??" salubungin ang mga kilay at halos pasinghal kong bulalas.
Umagang-umaga, kaharap ko ngayon sina Daddy at Don Gregorio pati na rin si Justine at iyong Tito at Tita ko sa malawak na sala ng Villa Esciaver.
"Magkadugo kayo ni Hallejah," pahayag ni Daddy na inulit lang ang nauna niyang sinabi.
Nagtataka namang nagpalipat-lipat ng tingin sa amin si Hallejah at mukhang hindi naintindihan ang mga nangyayari.
Ito kasing si Daddy bigla ba namang sabihing magkadugo kami ni Hallejah dahil ninuno ko raw iyong anak ni Hallejah bilang si Florinda kay Zeur.
Kung si Florinda raw ang nasa katauhan ni Hallejah ay Lola ko raw ito kasi Lola ito ng Lolo ng Lolo ng Lolo ko.
Nalito na ako kung ilang Lolo iyong tinutukoy niya basta ang malinaw ay kamag-anak ko si Hallejah kaya lalo raw na 'di ka
