"Wow, ang bait mo naman Bel, magkano ba ito? Palitan namin 'yong ginamit mong pera." hinahaplos-haplos pa ni Janice ang ibabaw ng kama.
Nakangiti namang umiling si Mira.
"Naku ma'm huwag na po. Pasasalamat ko po 'yan sa inyo kasi pinatira n'yo pa rin po ako rito kahit wala na si... Uhm, saka po mura lang 'yang nabili ko para po talaga sa inyo 'yan." makahulugang saad nito na hindi naman pinansin ng mag-asawa.
"Pasensiya na kayo kung kailangan na naming ibenta itong bahay. Alam n'yo na, marami nang masamang nangyari. Sige, magpapahinga lang kami ha?" saad naman ni Benj na nagsimula nang humiga sa kama.
Sabay naman na lumabas sina Julia at Mira. Matapos i-lock ang pinto, nakangiting sinulyapan pa ni Mira ito at nagsabi ng "enjoy", bago sumunod kay Julia sa kusina.
***
Init na init si B
