الجزء السادس

3852 Words

{مسيرة حب} القاسي والبريئة 2 (الجزء السادس) في قصر الصادق كان ياسين يجلس مع اروي في المكتب عندما رن هاتفه وكان احد الحراس الذين يحرصون القصر ياسين : ايوا يبني الحارس : مدام ساره موجوده ومعاها اتنين يا فندم وطالبه تقابل حضرتك ادخلها ياسين : دخلها اروي : في اي يا حبيبي ياسين : ساره هنا ومعاها اتنين عايزه تشوفني اروي : تشوفك انت لي ياسين :مش عارف …………………………………… في حديقة قصر الصادق دخلة ساره من البوابه ومعها لين و ادهم ادهم : ماما انت متاكده أن دا هيعرف يحميكي ساره : دا اكتر واحد ممكن يحميني من معتز ومعتز لما يعرف أن هنا هيعمل الف حساب قبل ما يفكر يعمل حاجه لين : دول تقريبا اغني مننا يا مامي ساره :مهما سمعتو جوا مفيش حد يرد مفهوم ادهم و لين : مفهوم …………………………………… خرجت اروي تستقبل ساره ومن معها فتحت اروي الباب وجدة ساره وشاب وفتاه معها اروي : اهلا يا ساره نورتي ساره : اهلا بيكي يا اروي عمرك ما خذلتيني في استقبالك ليا اروي : مهما حصل احنا اكلين عيش وملح سوا اتفضلوا ياسين بهدوء : اهلا يا ساره ساره : ازيك يا ياسين كنت محتاجه اتكلم معاك شويه ياسين وهو يشير للمكتب : اكيد اتفضلي دخلت ساره واروي و ادهم و لين خلف ياسين اعجبت لين بشكل المكتب وفخامته لين هامسه لادهم : الله شيك اوي المكتب مش اللي كل شوية يت**ر عندنا جلس ياسين علي المكتب وجلس الجميع أمامه معدا اروي اروي : تشربوا اي ساره : اقعدي يا اروي انا محتاجه اتكلم ياسين : تحبي انده جلال ساره : لا انا جيالك انت ، انت الوحيد اللي هو بيعمل ليه حساب ياسين باستفهام : خير يا ساره ساره : احب اعرفك الاول ادهم معتز الصادق ابن معتز ولين معتز الصادق بنتي ياسين : عرفتهم من اول ما دخلوا الاتنين شبه معتز اروي : اهلا يا حبايبي منورين ساره : ياسين الاتنين بعاد عن ابوهم ياسين : انسي اللي بتفكري فيه يا ساره انا مستحيل أمس شهره منهم هما برا الخلاف دا غير أن عارف ان ادهم بعيد عن أبوه وعايش في اسبانيا ولين اغلب الوقت عنده ساره : انا جيالك ومحتاجه منك خدمه ياسين : اتفضلي ساره : عيزاك تحميني ياسين : لا مش فاهم ساره : احميني من معتز ياسين : لا براحه كدا و فهميني بدأت ساره تقص علي ياسين كل ما حدث قطع حديث ساره خبط علي الباب ودخول مايا و ملك وفرح فرح و تدخل تجري علي ياسين : بابي حبيبي ياسين و هو يضمها :حبيبت بابي مايا و ملك كانوا يقفون مكانهم عندما رأوا ساره ياسين : تفضلوا واقفين كدا من غير ما تسلموا دخلت مايا وملك وسلموا علي ساره بجفاف وفرح سلمت علي الجميع وجاءت عند ادهم و أحست أنه يسلم عليها بحراره سحبت فرح يدها من يد ادهم فرح : احم هو احنا اجينا في وقت مش مناسب ياسين : الصراحه اها بس في نفس الوقت مناسب عشان تتعرفوا علي لين وادهم فرح : الله اسمك جميل اوي لين : و انت كمان اسمك جميل ياسين : مايا وملك دي لين اختكوا من آلام ملك : الله ليا اخت جديده مايا بجفاف : اهلا بيكي ياسين : خدو لين و ادهم ف*جوهم علي الحديقه واقعدوا اتعرفوا علي بعض لأن محتاج اتكلم مع طنط ساره يا فرح وشوفي اخواتك فين فرح ببراءه : كلنا متجمعين في الحديقه اصلا واحنا كنا جاين ننادي عليك ياسين : لي؟ فرح : رعد و جاسر هيلعبوا ملاكمه واللي هيخسر هيعزم الكل علي بيتزا ويتعاقب ياسين : طب خدي لين وادهم يتعرفوا علي الكل و انا شويه وجاي فرح : اوك بس متتاخرش مش هنبدا من غيرك خرج الجميع وتبقي اروي و ساره و ياسين ساره : مشاء الله علي ولاد يا اروي وأخلاقهم اروي :تسلمي يا حبيبتي ياسين : كملي يا ساره ساره : انا بقا متاكده أن انا لو رجعت الوقتي هتقتل …………………………………… في الحديقه دخلة فرح وهي تمسك يد لين شوفوا جيت بمين سيف : اي دا مين دول فرح : دي لين اخت ملك و مايا و دا ادهم اخو لين رعد بهدوء : اهلا بيكوا جلال : هي ساره هنا فرح : اها مع بابي و مامي في المكتب لين : حضرتك اونكل جلال مش كدا جلال : ايوا لين : نفس وصف مامي حتي مايا وملك نفس الوصف مايا : هي كانت بتحكيلك علينا لين : يااااه كتير جدا لدرجة أن اوقات كنت بغير منكوا مامي كانت متبعاكوا ومتابعه اخبركوا ديما جلال : اهلا بيكي يا بنتي نورتينا ، هروح اشوف لو في حاجه وارجع حسام و رمزي :استني هنيجي معاك مشي جلال و حسام و رمزي منه : اقعدوا واقفين لي أنا منه مرات رمزي لين :. اعرف حضرتك من صورك مع اونكل رمزي و مايا وملك مايا : هي بجد كانت مهتمه باخبرنا اوي كدا ادهم : في بيت مفيش حد يعرف عنو حاجه غير انا وماما ساره مليان صوركوا وكل اخباركوا لين : و مش تقولي يا ادهم فرح : اخس علي الاخوات تالا : غدر بيكي اوي انا تالا لين : انت مشاء الله جميله اوي تالا بخجل : انت اجمل بداء الجميع يقول اسمه ويتعرفوا علي بعض بس طبعا كان ادهم شايف نظرات رعد اللي من غير كلام بتقوله احظر مني …………………………………… في المكتب كان ياسين بيحاول يفهم من ساره ازاي معتز عرف عن كلامها مع جلال انفتح الباب ودخل جلال و رمزي و حسام جلال : لي معرف*نيش انك هنا ياسين : كويس انكوا اجيتوا عشان تعرفوا اللي بيحصل رمزي وهو يجلس بهدوء : ايه اللي بيحصل ياسين : معتز هيقتل ساره جلال بحده و غضب : مين دي اللي هتتقتل ياسين : اهدي يا جلال احنا لسه بنتكلم ونشوف هنتصرف ازاي رمزي : وهو لي الوقتي عايز يقتلك ساره : لأن سمع اخر محادثه كانت بيني وبين جلال فهم جلال ما ترمي عليه قرر رمزي عدم السؤال عن ما دار في هذه المحادثه لأنها خاصه وشخصيه بجلال وساره حسام : انت عرفتي منين ساره : لين بنتي سمعته هو و زين وهما بيتكلموا وراحت لادهم وحكت ليه وهو جابها و اجه ليا ياسين : السؤال هنا هنتصرف ازاي جلال : انا هحميهم ياسين : جلال اكيد هنحميهم وسطنا هي لجئت لينا رمزي : هتحموا تاجرة م**رات ساره :انا بطلت من زمان انا اتجبرت أن انا اللي امشي الشغل لأن معتز عامل كل حاجه باسمي يعني لو وقفت الشغل هيتقبض عليا انا أو هتصفي من مافيا رمزي : ايه اللي يثبت كلامك جلال : رمزي رمزي : اعذرني يا جلال بس زمان كنا احنا بس الوقتي في ولادنا ساره : سيبه يا جلال هو حقه يقول ويعمل اكتر من كدا بس انا لجاة لياسين لأن عارفه أن دا الشخص الوحيد اللي معتز بيخاف منه ياسين : انت هتقدي وسطنا هنا انت و ولادك و في حمايتنا يا ساره بس انا لو حسيت أن في غد نخلص عليكي وعلي ولادك قبل منك ساره : انت متاكد ان مفيش غدر يا ياسين وخصوصا جلال جلال : انا بس عايز افهم لي يقرر يقتلك لمجرد كلام سمعه ساره : لأن طلبت الطلاق قبل ما انزل مصر قولت هنزل واحاول احنن قلب مايا و ملك رمزي : والقضيه اللي كانت في فرنسا ساره : معتز اللي جبرني اعمل كدا عشان ياسين يعرف هو بقا اي انا كل الأنا كنت عيزاه بناتي جلال : هتتعبي شويه في الموضوع دا ساره : استاهل اتعب عشان بناتي يا جلال انا بس طالبه طلب لين متعرفش أن انا ليا علاقه بشغل معتز ومش عايزاها تعرف خايفه تبعد زي اخواتها ياسين : متقلقيش انا هتكلم مع الكل أن مفيش حد يتكلم اروي : انا هقوم احضر الغدا حسام : غدا اي دا في ماتش ملاكمه برا بعد الماتش يلا نروح نتف*ج خرج الجميع من المكتب متجه للحديقه كان ياسين يمشي بجانب اروي وهو يضمها إليه ياسين بهمس : رايك اي في كلامها اروي بنفس الهمس : حسه أن هي مش بتكدب يا ياسين حتي ولادها مش بيكدبوا …………………………………… في فرنسا كان معتز يتكلم في الهاتف وهو غاضب معتز : يعني اي مرجعتش ازاي و انت بتقول كل حاجاتها في الشقه مجهول : يا باشا زي ما بقولك احنا في الشقه وهي لسه برا معتز : هتكون راحت فين يعني اول ما توصل وقبل ما تخلص كلمني مجهول : أوامرك يا بيه اغلق معتز الهاتف دون كلمه اخري زين : يتزعق ليه معتز : مفيش حاجه زين بسخرية : لا واضح معتز : بقولك اي أنا مش ناقصك غور من وشي زين بحده : انت نسيت انا مين انا ابوك معتز بسخريه : طب اطلع برا ياا…ابويا يلااااا براااا قال الاخيره بصراخ وغضب وقف زين و تحرك للخارج وهو في داخله يرتعش رعبا من ابنه زين في نفسه : دا اتحول وحش دا ممكن يقتلني أنا شخصيا اتصرف ازاي معاه الوقتي …………………………………… في قصر الصادق كان الجميع يجلس في الحديقه يشاهدون جاسر و رعد وهم يقاتلون بعضهم كان الاثنين متساويان في الأداء فكل منهم له مهاره عاليه ياسين : استوووب خلاص كفايه طحن في بعض وانتم فرحكوا قرب ولا عايزين تكونوا متعلم عليكوا رعد و هو يلهث : يبني اعلم عليه جاسر و هو يلهث ايضا : يا عم خد نفسك الاول وبعدين اتكلم سيف :ايوا مين الوقتي هيعزمنا علي بيتزا عز : ومين هيتحكم عليه حسام : عز الدين يا شراني مفيش حد هيتحكم عليه هما متعادلين بس هما الاتنين هيجيبوا البيتزا اروي بغضب : بيتزا والغدا اللي جوا دا ياسين : لا يا حبيبي البيتزا دي في العشاء لكن الوقتي هناك من ايدك القمر دي لين : الله هو حضرتك بتحبها اوي كدا عز : هو انت كدا شوفتي حاجه لين : هو في اكتر من كدا عز : بت يا فرح فكرتيني اضمها للحزب بتاعنا انت وملك فرح : تمام يا كبير لين : حزب اي ملك : اكتر ناس تافهه وبتاكل في البيت لين : الله وانا هكون معاكوا كان رعد ينظر لمايا وهي تشاهد لين وتبتسم رعد : انا جعان يلا بقا اروي : الاكل جاهز اصلا يلا تحرك الجميع وتحرك رعد بجانب مايا رعد : حبتيها مايا : مين رعد : لين مايا : مش عارفه يا رعد بس حاسه فعلا أن هي اختي ونفسي احضنها رعد : خلاص احضنيها هي مش ليها زنب يا مايا في اللي حصل زمان و مهما حصل هي اختك مايا : تفتكر سهل رعد : في ايدك تخليه سهل أو صعب بعد الغدا هروح المديريه لأن طالبيني ولما ارجع هنتكلم مايا : اوك …………………………………… في فرنسا معتز قاعد علي كرسي مكتبه باهمال و هو كالعاده سكران دخل عليه أحد حراسه حارس : معتز بيه في ظابط برا عايز يقابل حضرتك معتز : ظابط اي دا حارس : مش عارف يا فندم طلب يقابل مدام ساره ولما عرف أن هي مش موجوده طلب يقابل حضرتك معتز : مش عايز أقابل حد خرج الحارس وبلغ الظابط ومشي دخل زين بعد الحارس زين : الظابط دا كان عايز ساره لي معتز : تلاقيه من اللي بيعدوا البضايع وجاي عايز فلوس زين بشك : اممممم معتز : انا هنزل مصر زين : انت اتجننت عايز تروح ل ياسين لحد عنده معتز : مش هيقدر يعمل معايا اي حاجه هتيجي معايا ولا هتفضل مستخبي زي النسوان هنا زين : هاجي لما اشوف اخرتها معاك معتز بشر : اخرتها موت عيلة ياسين الصادق …………………………………… في القصر الساعه 11 مساءا ياسين : ساره هتقعدي في دور حسام انت و اولادك ساره : و حسام حسام : لا انا مسافر وهاجي علي الفرح خدي راحتك ساره : انا اسفه علي اللغبطه دي بس انا عارفه لو روحت هتقتل اروي : متقوليش كدا المكان مكانك انا هجيب ليكي هدوم من عندي لحد الصبح اشتري الأنت محتاجاه ساره : شكرا يا اروي علي كل حاجه …………………………………… مر 5 ايام في سلام أصبحت ساره تتحدث مع مايا وملك تحسنت علاقتهم قليلا تقبل وجودها الجميع بعد أن أثبتت أنها تغيرة تبقي يوم واحد علي الفرح كانت مايا و تالا جالستان سويا في الحديقه تالا بسعاده : انا بجد مش مصدقه أن بكرا فرحي انا و جاسر انا مش متخيله بجد خلاص حلمي هيتحقق مايا : ربنا يسعدك ويفرحك يا حبيبتي تالا : مايا هو انت مش فرحانه انك هتتجوزي رعد مايا : لا طبعا فرحانه بس خايفه اخوكي مش مفهوم اوقات احس ان هو بيحبني و اوقات احس ان هو مش طايقني اصلا تالا : معلش هو رعد شديد شويه بس انت بقا هتغيريه شويه بشويه زينه من الخلف : العرايس بيعملوا اي تالا : ما انت كمان عروسه زينه : لا دا انا مجرد خطوبه انت اللي ليله ليلتك يا جميل ملك وهي قادمه : لا بجد انا متوتره مش عايزه اتخطب بكرا مايا : امال انا اعمل اي فرح جلست وهي تاكل ايس كريم والبنات ينظرون لها فرح : في اي يا شباب بتبصوا ليا كدا لي تالا : فرح احنا كلنا متوترين وانت قاعد تأكلي فرح : حبيبتي انتو عرايس لكن انا سنجل اكل برحتي لين من الخلف : وانا كمان سنجل اكل معاكي بقا فرح : اشطا ملك : بقولكوا اي ما تيجوا نهرب تالا : اها يلا نهرب ياسين : مين اللي هيهرب تالا بتوتر : هاااا فرح كانت هتهرب بالأسس كريم يا بابي. فرح ببرود : كدابه كانوا بيتفقوا يهربوا يا بابي بسبب أن هما متوترين ياسين و هو يضحك : اولا انتوا عارفين أن انا باباكوا ملكوا صح مايا : صح ياسين : يبقا انا اللي ههربكوا ضحك الجميع وجاءت اروي من الخلف اروي : ضحكوني معاكوا ياسين وهو يضحك : بناتك متوترين وعايزين يهربوا تهربي معاهم اروي : لو انت هتهرب معايا ماشي ياسين هامسا لاروي : انا مش ههرب معاكي انا هخ*فك احمر وجه اروي و خجلت زينه : راعي أن احنا واقفين يا باشا سيف : هو لا بيراعينا واحنا واقفين ولا قاعدين وحياتك ياسين : بكرا اتف*ج عليكوا فتحت بوابة القصر ودخلة سيارة حسام فرح : هيييه حسام جه حسام جه ركضت فرح لحسام ياسين لاروي : هي العيال دي متعرفش اونكل و طنط اروي وهي تضحك : هما عودوهم علي كدا من و هما صغيرين نزل حسام من السياره واحتضن فرح حسام : فرحتي فرح : لا انا زعلانه منك كدا متكلمنيش خالص حسام : معلش بقا انشغلت شويه فرح : طب يلا احنا أغلبنا قاعد في الجنينه حسام : استني بس معايا حد فرح : حد مين حسام فتح باب السياره ونزل منه واحد طويل عيونه خضرا شعره بني و بشرته بيضه فرح : الله مين الحلو دا حسام و هو يضحك : دا فهد ابني فرح : ابنك حسام : هفهمك كل حاجه بس لما نتجمع فهد دي فرح فهد بهدوء : اهلا بيكي فرح لحسام : هو هادي كدا ولا م**وف حسام : لا هو هادي وبعدين هتفهمي دخل حسام وبجانبه فهد فرح وهي تركض لياسين بابي حسام طلع عنده ابن ياسين : اهدي يا فرح عشان افهم حسام جميع الكل عشان اشرح مره واحده …………………………………… في مطار القاهرة خرج معتز و زين من الطائره الخاصه وخلفهم رجال الحراسه زين : انا لسه عند راي يا معتز وجودنا في مصر غلط معتز : خلاص كنت خليك في فرنسا انا مش اجبرتك انك تنزل معايا زين : انا عايز اعرف انت نازل لي معتز : عشان اخد ياسين بنفسي و مش يقول إن بتداره ورا رجالتي زين في نفسه : ربنا يستر ومش هو اللي يهدك قابل معتز أحد رجاله عندما خرج من المطار معتز : ها وصلت ليها الشخص : في قصر ياسين الصادق الكبير وفي فرح بعد بكرا هناك لكن الدخول بالدعوات معتز : اتصرف و دخل حد من تبعنا القصر الشخص : حاضر يا فندم تحب نروح فين معتز : روح اوتيل الصادق عايزه يعرف أن هنا زين بسخرية : من غير ما تقعد في أملاكه هيعرف انك هنا معتز : فرح ولاده بعد بكرا هو مش فايق الوقتي زين : بتهايقلك ياسين فائق في كل وقت حتي وهو نايم اتحرك معتز بغضب وركب أحد السيارات و ركب معاه زين زين : خلينا نروح بيتنا افضل لما نشوف هنعمل اي وبعد كدا نروح الاوتيل بلاش معجم من غير خطه معتز : انت تسكت خالص انا عارف انا بعمل ايه زين بخفوت : والله انت ما عارف حاجه وهنموت بسببك …………………………………… في القصر اجتمع الجميع في الصالون وسط دهشة الجميع حسام : طبعا الكل متفاجئ أن فجاه طلع ليا ولد انا زيكوا اتفاجئة بردو ياسين : هو انت كنت مسافر لبنان ليه حسام : انا هقولك قبل ما اجي اقولك أن هسافر بساعه جالي تلفون من لبنان من هدير طالقتي قالت أن هي محتاجه تشوفني ضروري وانا سافرة واللي حصل هناك ……………فلاش باك……………. وصل حسام لبنان وكلم هدير حسام : الو هدير : اهلا حسام حسام : انا في لبنان هدير : روح الاوتيل ارتاح وانا بليل هجيلك حسام : تمام راح حسام الاوتيل وعلي الساعه 9 كلمته هدير حسام : الو هدير : انا مستنياك في الكافيه تحت حسام : نازل ليكي حالا نزل حسام ودخل الكافيه وفضل يبص عليها واتصدم وهي بتقرب منه حسام : هدير هدير بابتسامه : كنت متوقعه رد الفعل دا اذيك يا حسام حسام : انا كويس انت ازاي كدا ايه اللي حصلك كانت هدير تعاني من بعض الأمراض مما جعلها نحيفه جدا و نحيله هدير : شوية تعب تعامله نقعد قعد حسام مع هدير وفي شاب قاعد جنبها حسام : ابنك هدير : وابنك حسام بصدمه : ايه انت بتقولي اي هدير : فهد دا حسام الصادق بباك حسام : انا مش فاهم حاجه هدير : انا هفهمك يوم طلاقنا بعد ما انت طلقتني انا تعبت ورحت المستشفي عرفة أن حامل كنت هاجي واقولك لكن رجعت في كلامي لأن كنت عارفه أن عمرك ما حبتني ولا اتمنيت تجيب اطفال مني فسكت و جاهزة ورقي وجيت هنا لبنان لاختي وكمان حمل وولدة وسجلت فهد باسمك وإسم باباك حسام : لي مش عرفتيني كنت هفرح وهنرجع هدير بحزن : اشك انك كنت هتفرح حسام انت ليه بتحبها هي لسه جواك لدرجة أنك لحد الان من غير جواز حس حسام بحزن هدير وهو باين في صوتها حسام : انا اسف أن جرحتك كدا هدير : بالع** أنا فرحانه لأن جبت منك فهد دا كل حاجه في حياتي حسام : فهد المفروض عنده 22 سنه الوقتي هدير : ايوا حسام : لي مش عرفتيني من بدري لي جايه الوقتي و تعرفيني هدير : لأن انا هموت وجه الوقت اللي فهد لازم يعيش مع باباه ويعرف عيلته حسام : لا براحه كدا موت ايه هدير : انا عندي فايروس نادر بيصيب الاجهزه في الجسم بيضمرها ومفيش ليه علاج يعاني منه بقالي 3 شهور وخلاص الدكاتره قالو مفيش حل و المساله مسألة وقت حسام : ازاي الكلام دا انا هاخد ونسافر تعمل فحصات في كذا بلد اكيد في حل فهد بهدوء : متحاولش انا عملت كل حاجه وبعت التقارير في كل حته مفيش حل حسام : انا عارف انك اكيد مش حاببني فهد : بالع** أنا بحبك جدا انا فرحة أن عندي اب ماما حكت ليا علي كل حاجه انا احترمتك جدا انك مش كنت بتجرح ماما حسام : طب تعالي ممكن احضنك وقف فهد و قرب من حسام وحضنه كانت هدير بتبص عليهم و مبتسمه فهد : الله اول مره احس الاحساس دا حسام و هو في عيونه دموع : وانا كمان تعرف طول عمري بحضن رعد وسيف لكن اول مره ارتاح واحب حضن حد كدا هدير : كنت خايفه من المقا**ه بس طلعت احسن من كل حاجه تخيلتها حسام : شكرا انك سمتيه فهد هدير : انا عارفه انك بتحبك والدك هتاخده وترجع مصر يحضر فرح ولاد عمه حسام : انت متابعه بقا هدير : من يوم ما مشيت وانا متابعه اخبارك وبطمن عليك حسام : هتيجي معايا هدير : لا انا تعبانه وعايزه ارتاح وخلاص اطمنت علي فهد حسام : اسمعي الكلام وتعالي معانا قعدة هدير تكح كتير قرب فهد منها و طبط عليها فهد : قومي نرجع المستشفي يلا هدير : انا نرجع روح انت مع باباك حسام : انا مش هسيبك ابدا قومي يلا أخذ حسام هدير وفهد للمستشفي و طول الطريق كانت تكح علم حسام هناك أن هدير تحتضر كان فهد يبكي خرجة أحد الممرضين طلبت من حسام الدخول لهدير دخل حسام لهدير وفي عيونه الدموع هدير : عارف أنا فرحانه أن شوفتك قبل ما اموت يا حسام انا حبيتك و بحبك وهفضل احبك لو ربنا كتب ليا الجنه وقابلة فرح هقول ليها قد ايه انت بتحبها خلي بالك من فهد يا حسام هو الوقتي ملوش غيرك فهد هادي من و هو صغير ملوش أصحاب صاحبه وخلي ولاد ياسين يصاحبوه هو هيزعل ويتاثر بموتي بس انت عوضه وخليك جنبه حسام : ياريتك كلمتني من بدري ابتسمت هدير ومسكت ايد حسام : اول مره اشوف في عينك النظره دي ودي عندي بالدنيا انا الوقتي اموت وانا مبسوطه باس حسام ايد هدير ودخل فهد هدير : تعامله يا فهد قرب فهد منها ونام في حضنها وعيط هدير : لا لا هتعيط وتزعلني وبعدين افرح بابا جنبك خلي بالك من نفسك يا حبيبي ومن بابا عيش حياتك وحب واتحب يا فهد ولما تلاقي اللي قلبك يختارها امسك فيها و اوعي تسبها حبيبي طول عمرك راجل وشايل المسؤوليه انا بحبك اوي ومبسوطه إن كان عندي ابن زيك قبل فهد يد والدته و هو يبكي فهد : ماما متسبنيش انا بحبك اوي مليش غيرك هدير : لا ليك بابا يا فهد نظرة هدير لحسام و ابتسمت هدير : متنسانيش يا حسام وكل ما تفتكرني بص للنجوم وادعيلي خلي بالك من فهد انا متاكده انك حبيته وهتحميه ظل فهد يقبل في يد وحسام ممسك باليد الأخري نطقت هدير الشهاده و نظرة لهم وابتسمت و صعدة الروح الي خالقها حس فهد برخيان يد والدته فهد : ماما انت غمضتي لي فتحي وردي عليا ماما ردي علي متسبنيش انا مليش غيرك ترك حسام يدها ودموعه تنهمر وقرب من فهد و أبعده عن جسد هدير و هو يصرخ بكل قوته احتضن حسام فهد و ظل يبكي معه حسام في نفسه وهو ينظر إليها : عشتي معايا سنه كنت بشوف منك كل حب وتقدير العالم وانا كنت يقا**ه باحترام وبس عشتي و موتي بسيطه يا هدير الله يا رحمك اكتشفت متاخر انك فوزتي بجزء من قلبي الجزء اللي طول عمرك بتتمنيه مع السلامه يا حبيبتي ……………. انتهي الفلاش باك………….. توقف حسام عن الكلام و دموعه ظاهره في عينيه وفهد نزلت دموعه وقف ياسين وضم حسام الي ص*ره حسام : انا تعبان اوي يا ياسين ياسين : الله يرحمها يا صاحبي قدر ومكتوب اقترب سيف من فهد سيف : انا سيف انا اكبر منك بسنتين بس احنا اخوات ابتسم فهد وسلم عليه كانت اروي تبكي علي هدير فرغم أنهم لم يقضوا معا سوا عام إلا أنها كانت تحبها كان الجميع يجلس في حزن علي حسام و فهد مر باقي اليوم في سلام وهدوء وتعرف فهد علي الجميع وحاول الجميع التقرب منه في صباح اليوم التالي كان الجميع يعمل بجد تجهيزا للفرح والجميع منشغل ومر اليوم بين التجهيزات والاطمئنان علي كل شيء وجاء اليوم الموعود يوم زفاف رعد و مايا و جاسر وتالا وخطبت عز وملك و سيف و زينه هل سوف يمر اليوم بخير كما خطط ياسين لذالك ام سوف تفلت منه زمام الأمور يتبع………. بقلم الاء ابو العز ❤️

Free reading for new users

Scan code to download app

App Store Google Play

Facebookexpand_more