“ALAM mo, Zayd, hindi ko alam kung bakit ka ganiyan pero alam kong mali ka sa akala mo dahil kilalang-kilala ko ang kaibigan ko. Kaya huwag mo na lang siyang pag-isipan ng kahit na ano,” paniniguro naman ni Elli sa kaniya kaya wala nang nagawa si Zayd kundi ang mapabungtong hininga.
Hindi rin niya maintindihan kung anong nararamdaman niya. At bago pa man siya nakapagsalita ulit ay nakatakbo na palayo sa kaniya si Elli.
“Tawagan mo na lang ako kapag may kailangan ka,” sigaw nito nang makalayo na sa kaniya kaya naiiling na lang siyang nasundan ng tingin ang dalaga.
At dahil wala naman siyang ibang pupuntahan ay pumunta na lang siya ng Z-Quarters. Pagdating na pagdating niya roon ay hindi naman niya inaasahan na naroon sa lobby ng Quarters ang mga kaibigan niya at hinihintay siya. Hindi pa
