“SI NIKKA! Si Nikka talaga ang nag-utos sa akin ng lahat! Sinunod ko lang naman lahat ng sinabi niya sa ‘kin.” Pagtapos may kung ano itong hinahanap sa loob ng bag nito. “Ito! Ito ‘yong sulat na ibinigay niya sa ‘kin, nandiyan lahat ng instruction niya sa ‘kin,” sabay abot nito sa kaniya ng sulat na ‘yon. “Patawarin mo na ako, Elli, hindi ko naman talaga gustong gawin ‘to. Siya lang talaga ang may gusto niyan, eh.”
“Bakit naman niya gagawin sa ‘kin ‘yon?” hindi makapaniwalang tanong niya rito at sa totoo lang lalo siyang naguluhan.
“Hindi ko rin talaga alam. Hindi ko nga rin alam paano niya nalaman na ako ang kakompetensiya mo sa pagka-summa c*m laude, eh. Nagulat na lang ako nang ipinatawag niya ako,” patuloy na paliwanag pa rin nito, alam niyang nababasa nitong hindi siya naniniwala. “
