LATE na nagising si Leamor nang umagang iyon. Hindi kasi siya halos makatulog kagabi. Bukod sa namamahay siya, pinapakiramdaman din niya kung bigla na lang magbukas ang pinto sa kuwarto niya. Bagaman hindi nila pinag-usapan ni Joel kung ano ang set-up nila sa bahay nito, alam niyang parte ng pagsasama nila ang mag-s*x. Sino ba naman ang nakikipag-live in ng walang gano’n? Siyempre, wala. Kaya nga nagsasama ang babae at lalaki sa iisang bubong kahit hindi pa sila kasal para matutuhan nilang pakisamahan ang isa’t isa at para malaman kung compatible sila.
Hindi lang naman sa mga gusto at ayaw ang basehan ng compatibility, pati na rin iyong araw-araw nilang pamumuhay at maging iyong usaping sekswal. Dito nila malalaman kung nababagay ba silang magsama o hindi. Sabi nga nila, malalamn mo lang
