NANG magising si PJ ay mag-isa na lang siya sa higaan. Sigurado siyang may kasama siya kagabi. Ang huli kasi niyang naalala ay tinawagan niya si Kricel at hinintay niya itong dumating. Pero hindi niya alam kung dumating ba ito kagabi o hindi dahil nawalan na siya ng malay.
Ngunit nasisiguro niyang may kasama siya dahil naalala niyang nakahiga siya sa sahig habang naghihintay kay Kricel. Paano siya nakarating ng kama? May bumuhat ba sa kanya? Wala na rin siyang kahit anong saplot sa katawan. Nang bumangon siya ay nakakalat sa sahig iyong bathrobe at tuwalya niya kasama na ang boxers niya.
Imposible namang naghubad siya tapos humiga sa kama. Ang init nga ng pakiramdam niya kagabi kaya siya nahiga na sa sahig para malamig. Kaya imposibleng gugustuhin pa niyang humiga sa kama dahil lalong
