“THIS will be your room,” ani Joel kay Leamor nang buksan niya ang kuwarto. Katabi lang ito ng kuwarto niya. Nagdesisyon siyang dalhin na lang ang dalaga sa sarili niyang bahay sa halip na sa condominium unit niya.
Masikip kasi roon at iisa lang ang kuwarto. Hindi siya sigurado kung papayag si Leamor na magkasama sila sa kuwarto. Hindi rin naman niya ito puwedeng iuwi sa mansion dahil siguradong magpi-freak out ang mga magulang lalo na ang kanyang ina. Alam niyang matagal na nilang gusto na mag-asawa siya. Pero wala sa plano niya ang mag-asawa o magpakasal. Ayaw niyang magaya sa mga kaibigan niya na problemado ang kanilang buhay-may-asawa.
Kung magpapakasal man siya , gusto niyang katulad ng mga magulang niya ang kanyang buhay-may-asawa. Masaya sila at mahal na mahal nila ang isa’t isa
