DOZ’s POV
“Anong ginawa mo kay Vane? Bakit mo siya binuhat at dinala rito?” tanong agad ni Ivez paglabas ko sa bodega. Luminga-linga pa ako para tingnan kung kasama pa niya si Miss Zamora o kung nandito pa si Iza. Wala siya rito.
“Nasaan si Iza?” iyon pa rin ang hinanap ko kahit kakalabas niya lang din sa bodega. Hindi ko na siya nakita.
“Nagmamadaling umalis. Ano bang problema mo?” Ang daming tanong ng kapatid ko.
“Nasaan si Miss Zamora?” pag-iiba ko ng hinahanap.
“Mabuti naman at naalala mo siya. Bigla mo na lang siyang iniwan. Mabuti at nandoon ako. Paano kung kayong dalawa lang ang magkasama kanina? Nagmukhang tanga lang siya.” Halata sa boses ni Ivez ang pagkainis. Mukhang inis siya sa akin.
“Alam mo, Doz, ano bang problema ninyo ni Vane? Sabihin mo na sa akin para hindi na ako
