IZA’s POV
“Sasamahan ka na namin sa opisina ni Sir Director. Sa labas lang kami. Baka kapag hindi ka namin hinintay ay hindi ka na sumunod. Umaasa pa naman si Jabin na panonoorin mo siya. Huwag mo naman sanang biguin ang kaibigan natin at manliligaw mo. Ayieee,” Okay na sana ang sinabi ni Eugene pero dinugtungan pa niya ng panunukso. Wala naman si Jabin, kaya hindi naman nito maririnig.
“Okay lang ba sa inyo? Hindi ba nakakahiya na paghintayin ko kayo? Pero sige na nga, mapilit naman kayo.” Nagtungo na kami sa opisina ni Kuya Doz. Kakausapin ko siya at kung gusto niya ibabalik ko na sa kaniya ang kiss basta huwag lang niya akong iwasan.
Nakailang katok na ako, pero wala pa rin sumasagot mula sa loob. Pinihit ko na ang door knob, baka may ginagawa lang siya. Pero pagbukas ko ay walang ta
