"Manang, pakisamahan na po muna sila sa mga silid nila para makapagpahinga na rin po." Rinig kong utos ni Aljune sa ginang mula sa sala.
Dali-dali namang tumayo si Aira mula sa dining at pumunta sa direksyon ni Aljune. Nagtinginan naman kaming dalawa ni Donna at wala na ring nagawa pa kun'di ang sumunod na lamang kay Aira.
"Sino ka ba talaga?" diretsahang tanong ni Aira nang tuluyan na itong makarating sa direksyon no Aljune at seryoso nitong tinitigan. "Isa pa, hindi kami rito matutulog? Uuwi na rin kami ngayon din! Hindi namin gugustuhing manatili dito kahit pa isang gabi lang 'yan, dahil hindi namin alam kung anong klaseng tao nga ba ang may-ari ng bahay na ito na nakilala at nakasama namin ng ilang taon."
Dirediretsong turan ni Aira habang mababakas sa itsura nito ang tapang at kawa
