AIRA
"Naguguluhan na talaga ako," mahina kong turan habang marahang napapailing. "Bakit kaya parang— teka, napansin n'yo ba 'yon, Donna, Aljune?" tanong ko.
Bahagya namang napakunot ang mga kilay ni Donna. "Ang alin? 'Tsaka saan ka naman naguguluhan, aber? Para ka na ring si Mariciel, eh."
"Hay naku! Nahahawa na siguro ako sa kapraningan ni Ciel. Bwisit!" Bumuntong hininga ako at tumingin kay Aljune. "At ikaw naman, ano bang drama mo kanina ay may pagan'on-gan'on ka pa? Ano? Knight in shining armour lang? D'yos ko, Aljune, ha! Nababaliw ka na rin, eh."
Bahagyang umiling si Aljune. "Tama lang 'yon! Masyado na s'yang pabida, eh! Sige na, balik na sa trabaho."
Sabay kaming napaubo ni Donna sa salitang sinabi ni Aljune. Hindi ko alam kung ano'ng ibig nitong sabihin, ngunit sa puntong iyon
