PAGDATING ko sa canteen ay agad hinanap ng aking mata ang kinaroroonan nina Dr. Nuñez at ng babaeng kasama nito, na sa halip ay si Aira na muna ang aking dapat hanapin.
Habang papasok sa loob ay hindi ko maintindihan ang aking sarili. Pakiramdam ko'y isa akong babaeng nagmamahal na pinagtaksilan ng kasintahan.
Ano ka ba, Mariciel! Kalmahin mi nga ang sarili mo. Wala kayong relasyon ni Dr. Nuñez at ni minsan hindi mo o wala kang narinig mula sa kanya sa kung ano ang totoo niyang nararamdaman sa 'yo, kaya kang O A d'yan na kung makaasta akala mo jowa ka.
"Hoy, Ciel, dito!" sigaw ni Aira na nakaupo sa gilid na bahagi ng canteen.
Bumuntong hininga ako at saka ako tumango. Agad akong naupo at lihim na kinakalma ang aking sarili upang hindi o walang mahalata si Aira sa kung ano mang totoo ko
