فتح خط وفتح سبيكر ونسمع صوت زلمة يصيح :الووو وينج
گاضب التلفون وعيونه عليه وهذاك يصيح وينج حبيبتي ردي
سد سنونه حيل ورگع التلفون بالحايط سوا طحين
واجه عليه
مد ايده عليه راد يجرني وصارت نعمة بيناتنه: خوية فدوة اروحلك افتهم السالفة لا تظلم البت
هاشم: ميلي نعمة لا اطبگنج وياهه بالعباس
نعمة: خوية البت ما مسويه شي كاعدين انه وياهه الله يعلم ياهو الحط التلفون هنا
هاشم: جا والزلمة الدگ الباب هم واحد مودي لا تسودنيني نعمة گتلج ميلي
دفعهه وجراني من شعري وگامت الحجية
ام ناظم: جا بروح ابوك تعوف البت وخل نفتهم
جر شعري حيل بيده وصرخ: شنفتهم ما تگليلي شنفتهم ..وخرن لا تسودنني
جراني من شعري وطلعني سحل للهول وانه ابجي ونعمة والحجية طلعن ورانه ويصيحن عليه حته يعوفني
طلعني للحديقة ولاگانه حيدر جاي من بغداد شافنه واجه يركض
حيدر: خير خير شصاير ليش ساحب لبنية هيج
صرخ بوجه حيدر وهوه لازمني: جا اعو
