اطته العلي وجان م**ر ومفكك ضل علي يگلب بي بيده وساكت
وبعدهه رفع راسه وحجه: خالي هذا التلفون انه اعرف مالمن
هاشم: المن... احجي
علي: تلفون نهوة
ام عباس: اتخسي ..انجب خايب لا اجي اشگ حلگك بالقرآن تردون تذبون بلاكم عله بناتي
هاشم بصوت: كريمة... ماريدن اسمع حسج
تگرب عله علي وحجه: كمل علي.. شلون عرفت التلفون النهوة
علي: عبن البارحة من جنه عدكم سمعتهن هيه و
***ة يسولفن.. وجانت گاضبته بيدهه.. نهوه تگلهه هسه وين اودي ونش*ه تگلهه مثل ما گتلج ذبي براسهه وطلعي منهه سالمة.. بوكتهه سكتت لان ماعرفت يگصدن ياهي وهم ما ردت ادخل وتصير السالفة بوجهي بس من سولفت امي وگالت لاگين التلفون عد ذهب ما گدرت اسكت
جان واكف مدنج وحاط اديه بجيوبه ويسمع العلي
رفع راسه واندار عله ام عباس: صيحيلي بناتج
ام عباس: شيخ جا نصدگ الفرخ الجاهل هاذ ونجذب عيونه.. يردون يتهمون بنياتي عبن يتيمات ومالهن احد
هاشم: گتلج روحي جي
