"Yna!" patuloy na tawag ni Prim.
Pero bago pa man ito makalapit ay sinarado niya ang pinto. "Yna!"
Napapikit siya nang kalampagin ng asawa ang pinto. "Shh." niyakap niya ang anak na umiiyak.
"Okay lang, Cattleya. Nandito si Mama."
"Prim."
Napahinto ang hinihingal na si Prim at napalingon. Napatayo siya nang tuwid nang makita ang ama.
"Anong nangyayari?"
"Nag-aaway na naman ba kayong mag-asawa?" sunod-sunod na tanong ni Jaime na inilagay ang bag sa sofa.
"Ano na namang ginawa mo?"
"Anong ako, Papa?" inis na tanong agad ni Prim.
"Bakit ako na naman ang nakita niyo?"
Seryosong lumingon si Jaime sa anak.
"Sino pa ba?"
"Ikaw ang asawa ni Yna. Ikaw lang ang may kakayahan na saktan siya-"
"Papa, naman. Sa tono ng pananalita niyo, parang ang sama-sama kong asawa-"
"Marami ng proble
