Ibinagsak ni Kamille ang katawan sa kama dahil sa pagod, alas nuwebe na ng gabi at kauuwi lamang nya. Napatingin sya sa cellphone at nakitang marami na palang message doon. Meron ding missed calls mula sa unknown number.
Sino naman kaya ito?
Naalala nya si Mathew kaya mabilis syang bumangon upang tunguin ang kwarto nito, pinihit nya ang seradura ng pintuan at tumambad sa kanya ang bagsak na katawan ni Franco at ng anak nya. Nakahiga ang dalawa sa kama habang si Mathew ay nakaunan sa tiyan ni Franco, si Franco ay bahagya pang nakanganga habang nakabuka ang mga binti na tila ba pagod.
Ilang saglit syang naestatwa sa kinatatayuan nya bago gumuhit ang mapait na ngiti sa labi nya. Kaysarap pagmasdan ng mga ito.
Hindi nya namalayan si Sonia na kanina pa pala nakatayo sa gilid nya, pinagmamas
