Pag-mulat ng mga mata ni Kamille ay wala na si Franco sa tabi nya, tiningnan nya ang cellphone nya at may iniwan itong mensahe roon. Sinabi nito na kinailangan nitong dalawin ang magulang ngunit balikan lamang ito at uuwi din mamayang gabi. Kay Franco pala ang unknown number na nagtext at tumawag sa kanya kahapon.
Napatingin sya sa pader kung saan nakasabit ang larawan nila ni Edward. Ang malaking larawan na kuha pa noong kinasal sila. Mapait syang ngumiti at inalala ang pumanaw na asawa.
Kung nakikita lang sya nito ngayon hindi nya alam kung ano ang magiging reaksyon nito sa nakikitang pagkakamabutihan nila ulit ni Franco. Hindi rin nya alam kung bakit nangyari ang lahat ng ito at ayaw na nyang isipin pa iyon. Gugulo lamang ang isip nya. Ang tanging alam lang nya, lahat ng nangyayari ay
