"Ma baka next week na po ako umuwi, may mga inaasikaso pa po ako sa opisina," sabi ni Franco sa kabilang linya.
Alas-singko pa lang ng umaga at tinawagan na sya ng kanyang ina.
Narinig nya ang malalim na pagbuntong-hininga nito kahit pa nasa kabilang-linya ito.
"Franco baka naman masyado mo ng inaabuso ang sarili mo ha? Sinasabay mo pa ang pag aasikaso sa Hacienda," sabi nito na halatang nag-aalala.
"Ma, pangako ayos lang po ako. Isa pa ay sila Mang Nestor at Aling Eba naman ang namamahala ng Hacienda, tumutulong lamang ako. Alam kong nasa mabuting kamay ang lupaing iyon," sagot nya sa ina.
"Na-mimiss na kita ang tagal mo naman kasi dumalaw dito," parang batang nagtatampo ito.
Bumangon sya sa higaan at nakangiting sinuot ang damit nya.
"Don't worry Ma dadalawin kita dyan relax ka la
