Alas-dyis na ng gabi nang makauwi si Kamille, nasa tapat na sya ng gate ng mapansing tila may tao sa gilid nito. Hindi nya muna tinuloy na makapasok ang sasakyan at inaninag ang lalaking nakasandal sa pader habang nakatingala. Umuulan pa naman. Sino kaya ito?
Naramdaman nito ang pagdating nya at ang ugong ng sasakyan kaya mabilis itong napatingin sa kanya.
Binaba nya ang bintana ng sasakyan at nagulat sya dahil si Franco pala ang lalaking iyon. Anong ginagawa nito sa labas ng bahay nila? Dis-oras na ng gabi!
Bumaba sya, mabuti na lang at may payong sya sa loob ng sasakyan. Wala itong dalang sasakyan at tila sinasadyang magpakabasa sa ulan. Ano bang nangyayari sa lalaking ito?
"Franco! Anong ginagawa mo dyan?"
Medyo hirap pa syang maglakad dahil madulas at nakaheels pa naman sya.
Pero
