Mag aalas-otso na ng gabi nang makabalik sa loob ng Mansyon si Kamille. Sumama pa sya kila Aling Eba upang kausapin ang mga taong nakausap ng mga ito tungkol sa mga prutas. Naging maayos naman ang kanilang usapan at wala naman naging problema.
Paakyat na sya ng hagdan nang maulinigan nya ang kanyang ama, nagsasalin ito ng tubig sa baso.
"Akalain mo nga naman na ang taong pinaglalaban mo eh lumayo na pala at iniwan ka na,"
Sa pakiwari nya ay gusto na naman makipagtalo nito sa kanya. Ano na naman bang sinasabi nito?
"Alam mo Dad hindi ako magpapaapekto sa ano mang sasabihin mo kay Franco," malamig na sagot nya sa ama pero tumawa lamang ito ng pagak.
"Talaga? Kahit pa mabasa mo itong sulat na ipinabigay nya kay Elmer para magpaalam sayo?"
Kumunot ang noo nya sa sinabi nito. Nagsimula i
