PAKIRAMDAM ko ay nabugbog ng ilang aso ang buong katawan ko. Bukod sa paulit-ulit na tumuktok ang ulo ko sa pesteng bakal na nasa ulo ko ay hindi pa ako makahiga ng maayos.
'Kasalan mo din kasi One! Sino ba kasing nagsabi sayo na sundan mo ang lalaking 'to?!'
Sandali akong natigilan nang dahan-dahang huminto ang sasakyan. Nakiramdam muna ako, napasiksik ako sa sulok nang biglang lumitaw ang kamay ni Ashton at kinapa ang bag na nasa upuan. Nakahinga lang ako ng maluwag nang makuha niya ang bag. Naramdaman kong lumabas na siya. Ilang segundo muna ang binilang ko saka ako umupo sa sahig. Pinagpagan ko ang suot ko saka ako dahan-dahang sumilip sa labas.
'Nasaan ba kami?'
Natanaw kong naglalakad na palayo si Ashton. Tumingin ako sa paligid ko, nakita ko ang hile-hilerang mga sas
