NAPABUNTING-hinga ako nang makita ko ang ayos ko sa harap ng salamin. Isang malaking t-shirt at hanggang tuhod na short ang suot ko. Nakapusod din paitaas ang buhok ko at kahit na anong pulbo o lip balm sa mukha ko ay wala ako. Parang nakikita ko na ang dating One, kailangan hindi ko malimutan kung ano talaga ako noon. Dahil kapag natapos ang trabaho ko kay Veronica babalik lang din ako sa dati. Magnanakaw ng gamit ng iba, hahanap ng mapag-didiskartehan at kung ano-ano pa na pwedeng makatulong kina mama at ate.
'Walang sino man ang pwedeng magbago sakin.. kahit si Ashton pa.'
Kasabay ng pagka-alala ko kay Ashton ay naalala ko na naman ang ginawa niya kagabi. Biglang kumalat ang init sa mukha ko, matigas akong umiling.
"Hindi... hindi erase One! Erase!" Matigas na bulong ko pa a
