KINABUKASAN ay muling nagising ng maaga si Juliet. Magaan na ulit ang kanyang pakiramdam kahit pa tumulong siyang magpaanak ng baka kahapon. Na sa totoo lang naman ay wala siyang ginawa kundi nanood lang. Hindi siya hinayaan nina Mang Pilo at Icoy na tumulong kagaya ng bilin ni Magus The Great. Pero dahil noon lang siya nakakita ng bakang nanganganak at natuwa siya at kahit duguan pa ang baby cow ay hinawak-hawakan niya iyon. Bago makapananghalian ay inihatid na rin siya ni Icoy sa villa. Nagulat pa siya ng madatnan na roon si Magus. Nauna na pala itong nakarating tapos hindi pa siya dinaanan kanina bago ito umuwi.
Ni hindi rin siya nito pinansin ng magpang-abot sila sa kusina. Nakabihis na siya mula sa madugong mga damit niya habang si Icoy ay saglit na nakiinom sa kusina. Bumati si Icoy
