KINAUMAGAHAN ay maaga siyang gumising. Bilin ni Magus sa kanya ay alas singko dapat gising na siya. Isasama siya nito sa manggahan dahil mayroong mga buyers ng mangga na darating. Malapit na rin kasi ang anihan ng mangga kaya marami ang nagpupunta sa hacienda ni Magus.
Totoong mahigpit ito sa pamamalakad sa negosyo nito. Totoong istrikto ito subalit napakagaling nito sa pagpapatakbo ng negosyo. Marami itong mga kliyenteng halos nag-uunahan kapag anihan ng mga produktong inaani sa hasyenda nito. Bukod doon ay magaling itong makipag-usap sa mga nagiging kliyente nito. Iyon ang natanto niya sa ilang beses din na pagsama-sama niya rito.
Pagdating sa mga tauhan ay hindi naman ito madamot. Para dito, kapag nagtrabaho ka ng maayos mayroon kang makukuhang magandang biyaya. Give and take ang pam
