Mahigit isang buwan na ang lumipas at nakalimutan na ni Dylan ang tungkol sa death day link. Naging busy na siya dahil nakuha rin nila ang Book Splash.
Isang gabi ng sabado, kasalukuyan siyang nagtatampisaw sa swimming pool sa ibaba ng kaniyang condo. Gabi niya napagpasiyahang maligo dahil hindi gaanong madami ang tao. Magaling siyang lumangoy. At ito na rin ang theraphy niya sa buong linggong stress siya sa trabaho.
Alas onse na ng gabi kaya hindi gaanong marami ang naliligo. Mga apat silang lalake at limang babae. Malaki ang swimming pool at meron din pambata. Karamihan sa mga taong naroon ay mga mag-partner.
Kailan ba siya huling nakipagrelasyon? A, matagal-tagal na rin pala. Ang huli niyang nakarelasyon ay masiyadong maluho palibhasa modelo. Hindi naman sikat na model pero kung guma
