Hindi makapaniwala si Faye na nasa harap na niya ngayon ang bahay at lupang pamana sa kaniya ng yumaong ama. Nasa loob ng vicinity ng Tagaytay ang naturang property. At kung nabubuhay lang sana ang ina, matutuwa ito at sa wakas may sarili na silang bahay at lupa.
Mapapalayo kung sa Manila pa rin siya magwo-work kaya nagpalipat na lang siya. Isinasama nga niya si Mika para may kasama siya sa bahay, kaso ayaw pa rin ng pamilya nitong mahiwalay ang panganay kaya hindi na niya pinilit.
Makalipas ang dalawang buwan, naging maayos at masaya ang bagong buhay niya sa Tagaytay. May pera pang ipinama sa kaniya, kaya kahit paano masasabi niyang sobrang luwag na niya sa buhay.
Hindi na siya nagigipit pa at nabibili na niya ang lahat ng gustuhin niya na hindi nag-aalala kung magkukulang man ang pera
