Pagkatapos naming kumain, tumayo na ako para magligpit. Pero bago ko pa mahawakan ang plato, inunahan na ako ni Rozen.
“Ako na,” seryoso niyang sabi at kinuha lahat ng plato pati baso.
“Ha? Huwag na, akin na ‘yan. Bisita ka rito,” tutol ko, pilit na inaagaw sa kanya ang pinggan. "Nakakahiya na ikaw pa ang maghuhugas. Ako na, Rozen. Huwag na makulit."
Pero mabilis siyang umiwas, sabay ngisi. “Baby, let me do this. I want your Nanay to see na marunong din akong gumawa ng gawaing bahay, na kaya kitang alagaan, na makakadepende ka sa akin kapag may sakit ka.”
Pinagtaasan ko siya ng kilay. “Ah, so pakitang-tao lang?”
“Of course not,” this time ngumiti na siya, sabay turo sa akin. “Pero bonus na rin na makita ni Nanay na husband material ako.”
Namilog ang mata ko sa sinabi niya. “Husband m
