Nagsalubong naman ang kilay nito sa ginawa niyang panunulak. Mukhang hindi nito nagustuhan ang ginawa niya. Bahagya niyang kinagat ang ibabang labi. "P-pasensiya na. Amoy pawis kasi ako," alibi na lang ni Dana dito.
Hindi naman ito sumagot, sa halip ay inabot nito sa kanya ang bote ng patis.
"Salamat," sabi niya ng abutin niya iyon sa kamay nito.
Pagkatapos niyon ay naglakad ito patungo sa fridge. Binuksan nito iyon at kumuha ito ng isang bottled water. Akala niya ay aalis na ito sa kusina pero bahagyang nanlaki ang mga mata niya ng umupo ito sa kitchen counter at tumingin ito sa kanya.
Binuksan nito ang takip ng bottled water at ininom nito iyon habang ang titig ay nanatili sa kanya. Hindi naman niya napigilan ang sunod-sunod na napalunok habang sinasalubong niya ang matiim na titi
