Mayamaya ay naalala ni Dana ang lalaking nakasabayan niya noon sa elevator. Iyong gwapong lalaking pinagtanungan niya kung anong floor matatagpuan ang opisina ni Franco. Ang gwapong lalaking winala siya. At naalala niyang parehong tumitig ang lalaki at sa lalaking kasama nila sa sandaling iyon. At naalala din ni Dana na lumabas din ito sa opisina noon ni Franco.
Nanlaki ang mga mata ni Dana ng mag-sink in sa kanyang isipan ang lahat. Ang lalaki ngang bagong dating na kasama nila ay walang iba kundi si Franco de Asis!
Nanlalaki pa din ang mga mata niya na tumingin sa lalaki. Tinaasan siya nito ng isang kilay ng magtama ang mga mga mata nilang dalawa.
"Tapos na ba kayong magbulungan na dalawa?" Tanong nito sa malamig na boses.
Kagat naman ang ibabang labi na umiling siya. Siniko nama
