Seraphine Rose
Napailing-iling ako sa ng ulo ko habang pinanonood kung paano magkagulo ang media na pinapalabas ngayon sa balita dahil sa pagkakabaril ni Zachary. Hindi ko alam kung anong lugar ‘yon pero pinakita sa camera na habang naglalakad si Lolo ay pinapalibutan siya ng mga reporter.
“Mr. President, anong masasabi niyo na nabaril na naman ang apo niyo?”
Nagsalubong ang kilay ko sa tanong ng reporter pero biglang namatay ang T.V. Bumaba ang mga mata ko kay Zachary na nakaunan sa hita ko habang nakahiga siya rito sa sofa kung saan naman ako nakaupo.
“Zachary, nanonood ako!”
“Ako na lang ang panoorin mo.”
Mas lalo akong nakaramdam ng inis dahil sa sinagot niya. Ano naman ang panonoorin ko sa kanya? Kung wala lang siyang sugat baka naitulak ko na siya paalis sa ibabaw ng hita ko.
