-Michael / Marco
Nang magising ako kinabukasan ay hindi ko na nakita si Tatay Samuel at tanging mga tauhan lang ng Senyor ang nakita ko. Gusto ko mang matanong ay hindi ko na rin ginawa dahil alam kong natatampo ito sa akin dahil sa ginawa kong paglilihim dito, sa kung ano ang nangyari sa akin kagabi. Alam kong mali pero nag-iingat lang ako na baka ikapahamak nila kung hindi ko pa nakikilala ang iba ko pang mga kalaban. Saktong nagkakape ang mga kasamahan ko ng makita ko ang mga ito sa isang kubo na malapit lang din sa maisan na mukhang ginawa para sa mga tauhan nagbabantay doon.
“Michael, naisama ka na pala ng Tatay mo sa gubat nabanggit n’ya kanina sa amin at doon ka na raw inabutan ng gabi. Mabuti na lang ay kasama mo ang Tatay mo hindi ka naligaw pabalik? Mahirap na kung mapupunta
