Third Person's Point of View
Marahang naglalakad ang apat sa isang mahawan na kagubatan at makikita sa paligid ang hindi pangkaraniwang mga puno at halaman na sumasayaw dahil sa malakas na hangin. Makukulay rin ang mga ito gayong kulay lila, pula, berde, asul, at dilaw ang karaniwang makikita sa paligid habang pinamumugaran din ng mga maliliit na ibong may mahahabang tuka ang kanilang mga sanga.
Isang matayog na kulay rosas na bulaklak naman ang makikita sa magkabilang bahagi ng kanilang dinadaanan na marahang umiindak din habang nakaharap sa araw.
Makikita sa apat na manlalakbay ang marka ng pawis sa noo at leeg dahil sa layo na ng kanilang nalakad pero hindi pa rin sila nakakarating sa kanilang patutunguhan. Halos dalawang araw na rin ang nakakalipas at kung hindi sila magmamadali ay
