•Thunder•
Napatingin ako sa magandang babae na nakatayo ngayon sa gitna ng rink. May ngiti ito sa labi ngunit ramdam ko ang kaba niya dahil sa pagtaas-baba ng kanyang dibdib. Alam kong naiisip niya pa rin ang dati, ang nangyari sa dati niyang fiance na si Kyser.
Hindi ko siya pinilit na sumali sa kompetisyon na ito, pero gusto niya raw na makita ko siyang sumasayaw sa gitna ng rink bago ako umalis. Pagkatapos naming mag-usap nang gabing iyon ay sinabi niya kaagad sa akin ang desisyon na ito at hindi ko naman siya binigo sa suporta na hinihingi niya sa akin.
It's a small competition, mangilan-ngilan lang din ang taong sumasali rito, ngunit pakiramdam ko ito na ang pinakamalaking kompetisyon na sinalihan niya. Siguro dahil ako ang dahilan kung bakit siya sumasayaw ngayon sa harap nang mar
