Chapter 10
"Sinong naghatid sa 'yo kanina?" Iyon kaagad ang bungad sa akin ni Tusher pagkapasok niya sa aming bahay.
Paano niya nalaman na may naghatid sa akin kanina? Pinasusundan niya ba ako? Nandito ba siya?
"Oh that man, I just met him sa supermarket kanina, then he insisted to send me home kaya pumayag na ako, tipid din sa pamasahe," sabi ko.
"Is that all? Pumasok ba siya rito?" tanong niya.
"Hindi siya pumasok dito," sagot ko, nang hindi siya sumagot ay nangunot ang noo ko. "Bakit?" ako naman ang nagtanong sa kanya.
"Wala..."
"Nga pala, naghanda ako, sakto ang uwi mo, kumain na tayo," pag-aaya ko pa. Inalok ko siya kahit na alam kong hindi niya pauunlakan ang alok ko, nagkakasabay lang yata kaming kumain kapag nandyan ang mga magulang niya eh.
Sinulyapan niya ang lamesa.
