Chapter 9
"Akitin mo siya mamaya para makabuo na kayo," ani Mommy bago sila tuluyang umalis.
Imbes na gawin iyong sinabi ni Mommy ay nagtungo nalang ako sa guest room. Dito nalang siguro ako matutulog. Suot ko iyong pantulog na dala niya kanina. Maganda naman siya kaya naisipan kong isuot na agad.
Ilang minuto na akong nakahiga sa kama pero hindi pa rin ako makatulog, kaya naman nag-inom nalang ako. Naubos ko na iyong isang bote ng red wine pero hindi pa ako kuntento. Kumuha pa ako ng dalawang bote. Baka sakaling kapag nalasing ako, makalimutan ko lahat lahat kahit sandali lang.
"Kailan ka pa natutong uminom?"
Hindi ko na pinansin ang nagsabi no'n. Ipinagpatuloy ko ang pag-inom ko. Bakit ba nakikialam siya? May pakialam pala siya? O baka ngayon lang? Baka naman nananaginip ako?
"Sto
