CHANDRIA
Nagising ako dahil sa mga ingay ng mga yapak sa paligid ko. Marahan ko nang iminulat ang mga mata ko at awtomatiko na lang akong napangiti nang makita kong sinusuklayan ni Ace si Gab sa tapat ng vanity table habang ang dalawa naman ay sinusukat ang mga hair clips na nasa tapat lang din nila.
"Hey, Mommy's awake!" biglang saad ni Benjamin nang masulyapan niya ako. Napalingon na rin ang tatlo sabay ngiti sa akin.
"Good morning!" bati ko sa kanila at unti-unti nang bumangon. Ang saya lang sa pakiramdam na makitang masaya at buo ang pamilya ko kahit na hindi pa ganoon bumabalik ang alaala ko.
"Hi, Mommy!"
Tuluyan nang tumakbo si Seb at Benj sa akin habang may mga girl hair-clips pa ang kanilang mga buhok. Napaka-cute nga naman talaga ng dalawa ito. "Hello, big boys!" Niyakap ko
