NAG-AALALA na si Olga kay Dario. Dalawang araw na itong hindi pumapasok sa eskwela. Gustuhin man niya itong puntahan sa bahay nito ay inaabot siya ng hiya. Hindi kaya dahil iyon sa... ginawa nito sa kanya nang dalhin siya nito sa bahay nito?
Mula sa kanyang pagkakaupo sa bench ay bumalik sa kanyang isipan ang isang pangyayari. Iyong araw na sinabi nitong ipapakilala siya ni Dario sa mga magulang nito...
"IPAPAKILALA kita sa parents ko, Olga. Gusto kong malaman mo na seryoso ako sa iyo..." iyon ang sabi sa kanya ni Dario habang naglalakad sila papunta sa bahay nito.
Kumakabog ng malakas ang dibdib ni Olga sa bawat hakbang niya. Alam niya kasi na sa bawat hakbang niya ay nalalapit na ang pagharap niya sa nanay at tatay ng lalaking kanyang iniibig. Wala kasi siyang ideya sa ugali ng mga it
