KINABUKASAN, lahat ay nagimbal sa dami ng pulis na nasa Wellington High School. Maging si Olga ay ganoon na lamang ang pagtataka. Isang estudyante ang kanyang nakasalubong at hindi na siya nag-alangan na magtanong kung ano ang nangyayari sa kanilang paaralan.
"May nakitang patay sa loob ng school. Si Joshua daw. 'Yong gwapong fourth year high school... Grabe nga, eh! Ang brutal ng pagkakapatay sa kanya. Saka pinapauwi na lahat ng estudyante dahil suspended daw muna ang pasok ng dalawang araw."
Pagkaalis ng pinagtanungan ni Olga ay saka lang niya naisip na Joshua nga pala ang pangalan ng bestfriend ni Dario. Hindi kaya...
-----***-----
AGAD na nakita ni Olga si Dario. Nakaupo ito sa pinakaunahan ng mga upuan. Nasa bahay sila ni Joshua at ito ang huling gabi ng burol ng kanilang schoolma
