Sa loob nang dalawang araw kong pananatili sa ilalim ng karagatan na katumbas lamang nang dalawang oras sa mundo namin ay nakabalik na rin ako ngayon sa dormitoryo. Pagkagising ko ay tahimik hindi ko na mahagilap si Athena sa paligid at sa tingin ko naman ay may pinuntahan pa ito saglit. Tumayo na ako mula sa bato at nagsimulang maglakad palayo rito. Nararamdaman ko ang lakas ng enerhiya sa aking katawan na para bang hindi mapakali. Huwag mong sabihin na umangat na naman ang aking antas? Kung gayon ay parang ang bilis naman yata nang pangyayari ngayon. Habang naglalakad ako ay doon ko lang na papansin ang pagbabago nang kulay ng mga bulaklak. Hindi ko alam kung bakit at kung ano ang dahilan nito.
Lumipas pa ang ilang sandali at sa wakas ay nakalabas na rin ako. Naglakad na ako pabalik sa
