"Ano na lang po ba ang dapat kong gawin?" Tanong ko rito, "Hindi ko na po kasi alam kung pwede ko sabihin na lang diretso sa guro ko o ano. Kapag naman inilabas ko ang alaga ko ay panigurado magugulat iyong mga kaklase ko. Baka kung ano pa ang magawa nila sa aking alaga."
"Malabong hindi iyang mangyari," pagsasang-ayon ni Yizun, "Lahat nang mga tao rito ay kinatatakutan ang dragon. Tanging mga malalakas lamang na pamilya ang may kakayahan na maging familiar ang isang dragon."
"Hindi ko rin po inaasahan na mapapa-amo ako nito," sabi ko at bumuntong hininga, "Akala ko noong una ay biro lamang ang nangyayari ngunit, mukhang malabo nga siguro. Pinuno, alam niyo po ba kung ano ang dapat kong gawin?"
"May isa lamang akong solusyon pero hindi ko alam kung pwede mo itong gamitin." Paliwanag ni
