"Ano ka ba? Hindi mo ba kaya protektahan ang sarili mo?" Galit na sigaw ni Elfrida sa aking harapan. Umiwas lamang ako ng tingin atsaka bumuntong hininga.
Kaya ko protektahan ang sarili ko pero gusto ko lumayo sa gulo. Gusto ko umiwas sa gulo. Alam kong paraan lang naman ito ni Minerva upang kusa ako umalis sa lugar na ito. Hindi na lang ako umimik atsaka nagsimula nang maglakad patungo sa dormitoryo namin. Ayaw ko na magpaliwanag pa sa kaniya kung ano ang nangyari. Wala rin akong planong sabihin sa kaniya ang rason kung bakit. Baka bigla na lang ito makipag-away kay Minerva.
"Kori!" Sigaw nito at hinawakan ang braso ko, "Sabihin mo nga sa akin. Lagi ka ba niyang inaapi?"
Hindi pa rin ako umiimik. Napapansin ko na halos lahat ng taong nadadaanan ko ay napapatingin sa akin. Nagtataka sig
