*AINESSA‘ POV*
~~~
HALOS hindi ako nakatulog, magdamag akong mulat kahit anong pikit ko ay walang nangyayari. Hindi ko alam kung hanggang kailan ako magiging ganito. Sobrang sakit, akala ko magiging okay na ang lahat pero hindi lalo pang naging magulo. Ganito kapag nagmahal? Maraming pagsubok, nakakabaliw ang sakit na ng ulo ko kakaisip kung ano bang dapat kong gawin. Ipaglalaban ko ba ang aking nararamdaman para sa kanya? Pero paano kung parehong magulang namin ang makakalaban at unang hahadlang sa aming dalawa.
Simula kagabi hindi na nagparamdam sa akin si Ramsey, ano kaya ang pinag-usapan nila ni daddy. Totoo kayang hindi niya ipaglalaban ang pag-iibigan naming dalawa?
Kinuha ko ang aking cellphone, nagbabakasakali na meron siyang text kaso nabigo ako. Alas tres na ng madaling araw.
