KELAI'S POV
Natapos ang duty ko na mabigat ang braso ko dahil sa vaccine na itinurok. Ganito raw talaga ang epekto no'n. Pero natapos ko naman ang mga reports ko na dapat tapusin.
Kasalukuyan na kaming nakasakay sa service cab at as usual, katabi ko pa rin si Ryan. Hawak hawak niya ang kamay ko pero parang medyo kakaiba ang mood niya. Hindi siya masyadong madaldal at bihirang ngumiti. Hindi ko alam kung dahil ba iyon sa turok o hindi lang talaga maganda ang mood niya. Wala naman akong natatandaan na sinabi o ginawa ko na ikakasama ng loob niya.
Paminsan minsan akong sumusulyap sa kaniya hanggang sa hindi ko na matiis ang pananahimik niya. Huminga ako ng malalim at saka humarap sa kaniya.
"May problema ka ba?" bulong ko sa kaniya.
Bahagya naman siyang nagulat sa tanong ko pero kalaunan
