THIRD POV
Dahil sa biglang pag-ayaw ni Kelai sa usapan nila, piniling mag-halfday ni Ryan. Nais niyang makausap ng masinsinan si Lany. Hindi kasi niya inaasahan na magagawa pang i-text nito ang dalaga. Ni hindi niya maintindihan kung paano nalaman ni Lany ang number ni Kelai.
Mabuti na lamang na pinayagan siya ng kaniyang boss na mag-halfday ngayon. Hindi kasi ganoon ka-busy ang araw na ito kaya agad siyang pinayagan. At dahil graveyard shift si Lany ay paniguradong maaabutan pa niya ito sa apartment.
Pagkarating niya sa apartment ay binuksan niya ang pinto gamit ang susi niya na nadala rin niya noong lumayas siya. Gising na si Lany at kasalukuyang kumakain nang dumating siya.
"I knew it. Alam kong babalikan mo rin ako Ryan," nakangiting sabi ni Lany sa kaniya.
Mahahalata sa mga mata
