Nang makarating siya sa kwarto ay agad niyang binuksan ang malapad na bintana ng silid, naglaro ang hangin sa mga kurtina habang malamlam ang buwan sa labas.
Napaupo siya sa may gilid ng kama, ilang beses na napabuntong-hininga, pinakapit ang pagod sa dibdib. Ilang sandali pa lang ang nakalipas mula nang magpaalam siyang hindi matutulog sa tabi ni Romina. Nasa isipan niya pa rin ang biglang pagbabago ng mukha nito kanina nang inakala nito na magkasama sila ngayong gabi. Ginawa na lang niyang palusot ang bago nitong tuta at sinabi na pwede niya iton itabi para hindi siya malungkot.
Bakas sa dibdib niya ang pangakong binibitawan sa gabi habang yakap-yakap niya kanina si Romina, ngunit ngayong mag-isa na siyang nakatitig sa kisame ay hindi niya maalis sa kaniyang isipan ang bigat ng mga k
