Malamig ang simoy ng hangin sa hardin ng Antonio estate nang lumabas si Silvia mula sa kanyang sasakyan. Kasabay ng kanyang pagpasok sa loob ng mansyon ay ang mabigat na hakbang ng kanyang matataas na takong na dumadagundong sa marmol na sahig. Hindi siya mapakali mula nang umalis siya sa bahay ni Alessandro kagabi. Hindi siya makapaniwala—hindi matanggap ang kawalang respeto ng kanyang anak sa kanya.
Hindi siya natulog nang maayos. Hindi niya rin magawang ipagsawalang-bahala ang ginawang desisyon ni Alessandro. Hindi siya maaaring maupo lamang at hayaan itong sirain ang pangalan ng kanilang pamilya. Kailangan niyang kumilos, at una sa listahan niya ang pagsasabi ng balita sa kanyang asawa.
Diretso siya sa opisina ng kanyang mister—si Don Cesar Ferretti. Isang tahimik pero matalino at ma
