Tahimik ang silid na tila ba'y pinipilit lunurin ang bawat patak ng oras sa katahimikan. Sa gitna nito, magkatapat sina Romina at Alessandro, parehong ubos, parehong sugatan, ngunit magkaibang mundo na ang kinatatayuan.
"Kung gusto mo ng kapatawaran, Alessandro," panimula ni Romina, nananatiling kalmado ang tinig ngunit dama ang pait sa bawat salita, "ang tanging hiling ko ay hiwalayan mo ako."
Tumigil ang mundo ni Alessandro. Para bang pinagsakluban siya ng langit at lupa. Ang inaasahan niyang magiging simula ng paghilom ay naging isang pasyang hindi niya matanggap.
"Hindi," matigas niyang sagot. "Hindi ako pumapayag."
Napakunot ang noo ni Romina. "Hindi mo ako papayagan? Simple lang naman ang hiling ko, Alessandro. Maghiwalay na lang tayo, hiling ko 'yon bilang asawa mo."
Hinawakan
