احفاد عائلة فاروق بقلم داليا ناصر الاسيوطي

الفصل الخامس

عند مالك و ادهم

ادهم اتفضل قولي اية الي حصل

مالك : العيلة كلها ماكنتش موجوده وبعدين انا كنت في اوضتي واكمل بكذب وسمعت حاجه بتخبط قمت اشوف في اية لقيت اتنين شكلهم حراميه حاولت اض*بهم مقدرتش وض*بوني

ادهم :بس هما ليه مقتلوكش من الاول كانوا عايزين منك اية

مالك بتفكير :اصل كانوا عايزين الرقم السري بتاع خزنه مكتب جدو

ادهم بعدم اقتناع: يعني حياتك تروح قصاد الرقم السري بتاع الخزنه

مالك : انا فعلا معرفش الرقم السري علشان دي تخص جدو مش انا بس هما مكنوش مصدقين

ادهم بإقتناع : ماشي تقدر تمشي

بعدما خرج مالك

ادهم بتفكير : اكيد في حاجه بس اية لازم اعرفها

عند اميرة ومالك بعد خروجهم من مركز الشرطه

مالك: ممكن افهم لية قولتيلي اكدب علشان انا مش مصدق السبب

اميرة : هو ده السبب سواء صدقتني او مصدقتنيش انت حر

مالك بغضب : طاب يلا نمشي

اميرة : اتفضل امشي انت

مالك : نعم امشي ازاي وانا مش معايا عربيه

اميرة : اني اتصلت بعم عبده يجي ياخدك

مالك : وانتي رايحه فين

اميرة : ملكش فيه

مالك : و اول ما جدو يسألني اقوله اية

اميرة : اولا استرجل وبلاش مياعه وتقول جدي ثانيا قوله راحت تشتري حاچات من المدينة

مالك بعصبيه : مع اني مش مصدق بس سلام

بعد مغادرة مالك مع عم عبده

جلست اميرة في سيارتها تفكر في شئ

اميرة وهي تحدث نفسها : اني هروح المدينه الاول اجيب حاچات علشان الكدبة تكمل وبعدين اروح مشواري وانطلقت بسيارتها الي المدينه

عند مالك بعدما وصل الى القصر وبعدما دلف وجد سليم والعائلة مجتمعين

مالك : السلام عليكم

الجميع : وعليكم السلام

سليم بإستغراب: هو وين (فين) اميرة وانتي چيت مع عبده لية

مالك : اصل اميرة نزلت تجيب شوية حاجات من المدينة

سليم : ولية مروحتيش وياهه (معاها)

مالك : اصلها هتجيب حاجات خاصة بيها

سليم بإقتناع: حاضر تعال اعرفك علي عامر وعليا و رقية

قاطعهم احمد الذي لم يطمأن لما قالة مالك

احمد : مالك ممكن بعد ما تخلص تچيلي في الچنينه رايدك في حاچه

مالك بإستغراب: حاضر

بعدما خرج احمد

مالك وهو يوجه كلامه الى جده

مالك : اتفضل يا جدو كمل

سليم : عامر وعليا أولاد عمك ياعني أخوات اميرة و احمد وده مالك ولد عمكم

مالك : اهلا اتشرفت بيكم مين الاكبر

عامر : احنا كمان اتشرفنا بيك بس احنا تؤام مفيش حد اكبر

عليا : اني كمان اتشرفت بمعرفتك يا مالك

سليم مكملا وهو يشير الى رقية : ودي بقي عمتك الصغيرة

رقية : ازيك يا مالك

مالك بصدمه : ها اية

الجميع: هههه

مالك : عمتي ازاي

ملك: انا عملت زيك كده يا مالك وفي الاخر طلعت صغيرة عندها 31 سنه بس

مالك وهو يغمز بعينه: لاء ومزه كمان

رقية : ولد عيب إكده

زياد متدخلا : والله اني هقول ل زين و هو يتصرف

رقية بخوف : بلاش زين يا زياد

مالك: و مين زين ده كمان

ملك : اه فعلا مين زين

عامر : قريب هتعرفوا

بعدما جلس الجميع مع بعضهم

خرج مالك الي احمد ليري ماذا يريد منه

عند احمد و مالك

احمد: مالك هي اميرة راحت المدينه صوح ولا ده كذب

مالك : اسمعني هي قالت كده بس انا مش مطمن وخصوصا خلتني اكدب في اقوالي

احمد: كدبت قولت اية

مالك : هي قالتلي اني مقولش اني الناس دول عايزين يخ*فوها واقول انهم حراميه علشان جدو ميتعبش ونعمل قلق للعيلة

احمد: هما الناس دول كان رايدين يخ*فوها

مالك: ايوة في حاجه

احمد بعصبيه: في انك غ*ي

مالك: متغلطش

احمد بغضب مصحوب بالقلق : انت عارف اني دي خامس مرة يدخلوا عندينا ناس علي اساس انهم حراميه ومي**قوش حاچه واصل ونسلمهم للحكومه

مالك بعدم فهم: يعني فيها ايه

احمد: معناها انه ادم الصياد في الموضوع

مالك : ومين ادم الصياد ده

احمد وهو يرحل : اكيد اميرة هسوي شى

مالك وهو يلحق به استني خدني معاك

وصعد الإثنان الي سيارة احمد وانطلق بها

عند أميرة وهي تقود سيارتها وتدخل بها قرية غير قريتها وهي قريه الصياد

أميرة مع نفسها : واني أكده عملت الي رايداه

وتقف بسيارتها أمام الباب الخارجي للقصر وبعدها فتح الباب لها دلفت بسيارتها و تهبط منها وتدخل للقصر من الباب الداخلي وتجد عائلة الصياد مجتمعين

وهم عمرو و ادم وريم ومريم

( هعرفكم على كل شخص جديد اخر البارت )

بعد دخول اميرة وقف الجميع ماعدا ادم الذي لم يقف ولم يستغرب مجيئها ابدا

عمرو و ريم و مريم .معا : اميرة

عمرو بإستغراب : انتي اية الي چابك اهنه

اميرة ببرود و عدم خوف : اسأل اخوك

عمرو و هو يوجه حديثه ناحية اخاه : ادم ايه الي بيحصل اهنه

ادم ببرود : اية الي چابك اهنه يا اميرة

اميرة ببرود اكثر : اصل الي انتي باعتهم طلعوا مش كد المهمه قلت اعملها اني

ادم بأعجاب: والله طلعتي احسن من الرچالة الي اني بعتهم

اميرة : ابقي ابعت رجالة احسن من إكده

ادم : مع اني ببعت اقوى الناس بس انشاء الله المرة الجايه يقدروا يجبوكي. .

اميرة بعدم خوف: انا قدامك اهو بدل ما تتعب نفسك

ادم : واني مش هخ*ف حد في بيتي

اميرة وهي تجلس على كرسي بإرياحية : انتي رايد مني ايه

ادم : رايدك تتجوزيني

اميرة بعدما وقفت : ده حلم واستحاله يتحقق وابعت كد ما تبعت مش هتقدر و تركته و ذهبت

الي الخارج

بعد خروج اميرة

ادم وهو يحدث نفسه: اكتر حاچه بحبها فيكي قوتك وعدم خوفك

مريم : انتي بتقول حاچه

ادم : لاء و مش عايز الي حصل تحكو في اكتير

الجميع: حاضر

عند اميرة و هي في طريق العوده رن هاتفها

اميرة : ايوة يا احمد

احمد بعصبيه: انتي وين (فين)

اميرة و قد فهمت : اني كنت في المدينه و اهو اديني في اول القرية

احمد : ماشي يا اميرة باليل هنتحاسب

واغلق الهاتف

بعد رجوع اميرة إلي القصر مر اليوم بدون شئ يذكر حتي اتي المساء وتجمع الجميع في الطابق الثالث و هم الشباب و الفتيات ماعدا مالك و ملك و تجمعوا علي طاولة كبيرة يترأسها من جهة احمد و من الجهه الاخري رقية

احمد : وين ملك و مالك

هند : اني رنيت عليهم و زمناتهم طالعين لهنه

احمد : حاضر يا هند

بعدما اتي مالك و ملك

احمد : طبعا انتوا كلكم عارفين اني جدي طلب مني اوزع الشغل علي الكل

رقية : وعلشان احمد مستقر هنا اكتر مني فهو الي هيتولي المهمه دي

احمد وقد بداء في توزيع المهام : زياد هيتولي شغل المصنع الي اهنه وملك معاه واني ومالك هنتولي شغل الزراعه والتجارة والحسابات و لم يكمل كلامه لانه قاطعه مالك

مالك : نعم عايزني انا اهتم بالزراعه

احمد : ومالك يا شابة بتخافي علي بشرتك

الجميع : ههههه

مالك بعصبيه : بطلوا ظحك انا واختي هنشتغل الشغلانه الي هتعجبنا

ملك بخوف من أخاها : اه وانا مع مالك

احمد وكأنه اتت الفرصة الية : خلاص زياد شغل المصنع وانا كالعادة الزراعه والتجارة والحسابات واميرة هتهتم بالزريبة والح*****ت وملك ومالك يشتغلوا كل مرة حاچه لوقت ما يعجبهم الي رايدينه

مالك : طبعا

اميرة وقد فهمت أخاها : ايوة الي انتوا رايدينه

مالك : بس يا بتاعت الح*****ت

اميرة بغيظ : و انتي تطول تبقي زيي يا بتاع جدو

رقية : واني وعامر وعليا هنعمل ايه

احمد : هتسعدونا في المدة إلي انتوا بقعدوها اهنه

بعدما ذهب مالك و ملك

رقيه : القرية السياحية الي في شرم الشيخ خلصت والافتتاح بعد اسبوع

احمد :خليهم يأچلوة يكون زين و نور و علي رچعوا

رقية : ماشي بس اني لازم اسافر المانيا قبل عملية زين

عليا : خلاص يا رقية خدي عامر معاكي

احمد : مش العملية بعد يومين

رقية : يومين اية دي بعد شهر

زياد : لاء دي بعد اسبوع مين الي قاللكم إكده

احمد و رقية معا : اميرة

الجميع ما عدا اميرة : اية

رقية و هي تحمل سكينه الفواكه : انتي كدبتي وقلتي ل زياد اسبوع وانا شهر واحمد يومين لية

اميرة بخوف من الجميع : اني بس

زياد : بس اية انطقي

كدبت : عليكم كلياتكم

رقية بحزن : طاب اية الي حصل

اميرة : زين عمل العملية من يومين و كلها اسبوع وهيبقي اهنه

الجميع بصدمه : من يومين اية

اميرة : والله هو اكويس وتعالوا نكلموا فيديو كول ونطمن علية

بعدما كلم الجميع زين واطمئنوا علية ذهبت رقية واخبرت والدها أن زين بخير فرح سليم لانه ابن اخاه الوحيد ونام الجميع مطمئنين لاستعدادهم للغد

يا تري مين زين و علي و نور دول

ياتري ادم ممكن يسيب اميرة في حالها

ايه هي هتكون اول حاجه هيشتغلها مالك و ملك

انتظروا القادم من روايه احفاد عائلة فاروق بقلم داليا ناصر الاسيوطي

altaar almgroh??????????????

(كده خلصنا البارت ده انتظروا القادم )

تعالوا نتعرف على الشخصيات الجديده

رقية الفاروق : العمر 31 سنه ابنة سليم الصغيرة زكية جدا درسة ادارة اعمال وتدير اعمال العائله خارج الصعيد تعشق الجميع لديها شخصيه رائعه وصاحبة عيون جميلة وشعر ناعم واسود وجسد ممشوق ولكن عندما تغضب تصبح شخص اخر

عامر الفاروق: العمر 23 سنه اخو اميرة واحمد وسيم مرح خريج كلية هندسه ويدير اعمال العائله خارج الصعيد

عليا الفاروق: العمر 23 سنه تؤام عامر خريجه كليه تجاره فتاة جميله جدا تعمل مع رقية و عامر

ادم الصياد : العمر 30 سنه خريج كلية هندسه يملك الكثير من الشركات الضخمة يعشق اميرة حد الجنون

عمرو الصياد: العمر 29 سنه خريج كلية طب طيب القلب حنون يحب مريم و ريم كأخوته لدية زكاء كبير لاتعجبة تصرفات ادم

مريم الصياد : العمر 26 سنه حفيده عائلة الصياد من الاب وعائلة فاروق من الام طيبة جدا خريجة كلية فنون جميله تعشق الرسم

ريم الصياد: هي تؤام مريم خريجة كلية هندسة د*كور طيبه تحب عمرو و ادم كأخوتها ولكن عندما تغضب لايستطيع احد أن يسيطر على غضبها

( انا علي كده نزلتلكم الشخصيات الجديده )

يتبع